Balaxanı zibilliyindən görün nələr çıxdı

Adətən nələr zibilliyə atılır? Bizə lazım olmayan və ya istifadəyə yararsız əşyalar, qida qalıqları və digər məişət tullantıları. Bəs sənədlərimiz necə? Təbii ki, onları qorumalıyıq. Di gəl ki, təkcə son günlər ərzində zibillərin çeşidlənməsi zamanı 100-dən çox sənəd tapılıb.

Şəxsiyyət və sürücülük vəsiqələri, tələbə bileti, bank kartları... Bunlar hər kəsin qorumalı olduqları sənədlərdir. Amma bütün bu sənədlər tullantılar arasından seçilib. Bu əşyalar Balaxanı Bərk Məişət Tullantılarının Çeşidlənməsi Zavodunda aşkarlanıb.

Zavodda çeşidlənmə zamanı müxtəlif növ silah-sursat da aşkarlanıb. Bu vaxta qədər ümumilikdə 129 ədəd müxtəlif növ patron, 2 ədəd avtomat darağı, 2 ədəd süngü bıçaq və 1 ədəd fişəng tapılaraq aktlaşdırılıb və 12-ci polis bölməsinə təhvil verilib. (qrafika)

Tullantıların çeşidlənməsi zamanı müxtəlif maraqlı əşyalar da aşkarlanır. Hətta bu əşyaların saxlanıldığı muzeyin yaradılması da planlaşdırılır. Çeşidlənməyən tullantılar isə daha sonra yandırılır və ondan elektrik enerjisi alınır. (Xəzər TV)

Ölkə.Az