Bakıda silsilə oğurluqlar törədən dəstə tutulub

Bakıda silsilə oğurluqlar edən dəstə üzvləri saxlanılıb.

Bakı şəhər BPİ-dən Ölkə.Az verilən məlumata görə, aprelin 7-də Lökbatan qəsəbə sakini Araz Məmmədovun mağazasından 300 manat, aprelin 23-də Lökbatan qəsəbəsi 28 May küçəsində quraşdırılan “Milli ön” ödəmə terminalının qapısını sındırmaqla 625 manat, aprelin 16-na keçən gecə, Şanqar qəsəbə sakini Susanna Şərifovayanın mağazasından içərisində 586 manat olan E-manat aparatını, aprelin 19-na keçən gecə Qobustan qəsəbə sakini Füzuli Sadıqovun mağazasından tütün məmulatları, içkilər və 2 ədəd “Milli ön” aparatını sındırmaqla oğurluq etməkdə şübhəli bilinən Qızıldaş qəsəbə sakinləri - 1992-ci il təvəllüdllü İlkin Qabil oğlu Mustafayev, Qurban Yalçın oğlu Şəbiyev və 1989-cu il təvəllüdlü Aqil İbadət oğlu Qasımov tutulub.

Aparılan araşdırmalar nəticəsində məlum olub ki, onlar aprelin 2-də Elxan Bayramova, martın 26-da İsmayıl Ağayevə məxsus mağazalardan oxşar oğurluqlar ediblər. İ.Mustafayev və Q.Şəbiyev martın 9-da Bakı şəhər sakini İlqar Salmanova məxsus Lökbatan qəsəbəsi 28 may küçəsində yerləşən mağazadan tütün məmulatları və danışıq kartları, Q.Şəbiyev 15.03.2014-cü il tarixdə Asif Alışanova, 23.04.2014 və 01.05.2014-ci il tarixlərdə isə Əli Müzəffərov və Mənsur Şahməmmədova məxsus mağazalardan oğurluq edib.

Ölkə.Az