DİN icra başçısının oğlunun adını qəza xəbərinə salmadı...

Daxili İşlər Nazirliyi McDonalds - Azərbaycan şirkətinin icraçı direktoru Maqsud Mirzəyevin oğlunun qəzada ölməsi ilə bağlı məlumat yayıb

Ölkə.Az qafqazinfo-ya istinadən bildirir ki, xəbər verir ki, DİN-in saytında sözügedən qəza ilə bağlı məlumat dərc olunsa da, icra başçısının oğlunun adı çəkilməyib. Məlumatda qeyd olunur ki, sentyabrın 27-də saat 18 radələrində Xəzər rayonu Türkan qəsəbəsində Qəbələ rayon sakini Əhliman Süleymanovun idarə etdiyi “Hovo” və Bakı şəhər sakini Pərvin Fətullayevin idarə etdiyi “Mercedes” markalı avtomobillər toqquşub. P.Fətullayev və 2 sərnişini xəstəxanaya yerləşdirilmiş, sərnişinlərdən Sənan Mirzəyev orada ölüb. Xəzər RPİ tərəfindən araşdırma aparılır.

Maraqlıdır ki, DİN-in yaydığı məlumatda “Mercedes” markalı avtomobili icra başçısının oğlunun deyil, başqa bir şəxsin idarə etdiyi qeyd olunub. 

Həmin məlumatda da bildirilirdi ki, hadisəni törədən icra başçılarından birinin oğlu olub. Məlum olub ki, 90 AR 819 dövlət nömrə nişanlı “Mercedes”in sürücüsü Səbail rayon İcra Hakimiyyətinin başçısı Asif Əsgərovun oğlu İlham Əsgərlidir. İlham Əsgərli hazırda xəstaxanadadır. Onun vəziyyətinin orta-ağır olduğu bildirilir.

Ölkə.Az