Masazırda yanğın baş verib
Fövqəladə Hallar Nazirliyinin (FHN) "112" qaynar telefon xəttinə Abşeron rayonunun Masazır qəsəbəsində açıq ərazidə qatı tüstülənmə olması barədə məlumat daxil olub.
"Ölkə.az" FHN-ə istinadən xəbər verir ki, məlumat daxil olduqdan dərhal sonra FHN-nin Dövlət Yanğından Mühafizə Xidmətinin yanğından mühafizə bölmələri yanğının olduğu əraziyə cəlb olunub.
İlkin məlumata əsasən, hadisə ünvanında quru ot, kol-kos və təkər tullantıları yanıb.
Yanğın Mühafizə qüvvələri tərəfindən qısa müddətdə söndürülüb.
