Bakıda güclü yanğın: Bir nəfər ölüb
Fövqəladə Hallar Nazirliyi Bakıda ölümlə nəticələnən yanğın hadisəsi ilə bağlı məlumat yayıb.
Ölkə.Az-ın nazirliyin saytına istinadən verdiyi məlumata görə, Bakı şəhəri, Suraxanı rayonunda bir-birinə bitişik, ümumi sahəsi 129 kv.m olan birmərtəbəli fərdi yaşayış evində 1-ci ailəyə məxsus 1 otağın yanar konstruksiyaları 21 kv.m sahədə, 2-ci ailəyə məxsus 2 otağın yanar konstruksiyaları 42 kv.m sahədə, 3-cü ailəyə məxsus ümumi sahəsi 66 kv.m olan 2 otağın lambirdən ibarət tavanı və dam örtüyü 42 kv.m sahədə yanıb.
Yanğının kəşfiyyatı zamanı ev sahibi, 1948-ci il təvəllüdlü Səlimova Tamella Yusif qızının yanmış meyiti yanğınsöndürənlər tərəfindən aşkar olunub. Evin qalan hissəsi yanğından mühafizə edilib.
Yanğın saat 09:50-də yanğınsöndürənlər tərəfindən söndürülüb.
10.55
Azərbaycan paytaxtında yaşayış evi yanıb.
Ölkə.Az APA-ya istinadən xəbər verir ki, hadisə Suraxanı rayonu, Hövsan qəsəbəsi, O. Şabanov küçəsində qeydə alınıb.
Yaşayış evinin söndürülməsinə 3 yanğınsöndürən maşın cəlb edilib. Həyata keçirilən tədbirlər nəticəsində yanğın söndürülüb.
Yanğın kəşfiyyatı zamanı ev sahibəsi, 1948-ci il təvəllüdlü Səlimova Tamilla Miryusif qızının yanmış meyiti aşkar edilib.
Yanğının baş vermə səbəbləri hələlik məlum deyil.
Faktla bağlı araşdırmalara başlanıb.
Ölkə.Az