Lunaparkda qan donduran görüntülər – VİDEO
Türkiyənin İzmit şəhərində Abdülkadir adlı bir şəxs lunaparkda uşağının yaşı uyğun olmadığı üçün attraksiona minməsinə icazə verməyən işçi ilə dalaşıb. Lunapark əməkdaşına silah çəkən bu şəxsin görüntüləri təhlükəsizlik kameraları tərəfindən qeydə alınıb.
“Ölkə.Az” Türkiyə mediasına istinadən xəbər verir ki, hadisə avqustun 31-də İzmitdəki lunaparkda baş verib. Əvvəlcə əməkdaşla mübahisə edən Abdulkadir adlı şəxs daha sonradan onunla dalaşıb və silahını çıxararaq onu təhdid etməyə başlayıb.
Ətrafdakı insanların müdaxiləsi ilə tərəflər sakitləşdirilib. Hadisə ilə bağlı polis şöbəsinə gedən şəxslər bir-birindən şikayətçi olmayıb. Yaşanan bu anlar isə təhlükəsizlik kameraları vasitəsilə anbaan qeydə alınıb.
