Velosipedçini maşın vurdu

Lənkəranda velosipedçinin vurulması ilə nəticələnən yol qəzası baş verib. 

Hadisə Haftoni qəsəbəsi ərazisində baş verib.

26 yaşlı qəsəbə sakini Taleh Mirzəyev idarə etdiyi "Lifan" markalı 42 BT 824 dövlət qeydiyyat nişanlı avtomaşınla Kərgəlan kənd sakini 21 yaşlı İlqar Həmidzadəni vurub.

Yaralı ağır qapalı kəllə-beyin travması, təpə nahiyəsində kəsilmiş yaralar və sağ qolunun qapalı yerdəyişən sınıqları diaqnozu ilə Lənkəran Mərkəzi Xəstəxanasına çatdırılıb.

Reanimasiyaya yerləşdirilən yaralı koma vəziyyətindədir. Faktla bağlı araşdırma aparılır.

Hadisənin baş verməsinə ilkin versiya kimi velosipedçinin qulaqcıq taxaraq avtomaşının yaxınlaşmasını eşitməməsi göstərilir. (report)

Ölkə.Az