Bakı sakini borca görə özünü öldürdü
Suraxanı rayonu Yeni Günəşli qəsəbəsinin sakini böyük məbləğdə borcu olduğuna görə özünü öldürüb.
Ölkə.Az xəbər verir ki, bu barədə Vesti.Az-a Sabunçu rayon Polis İdarəsindən bildiriblər.
Bildirildiyi kimi, mebel sexində usta işləyən 1969-cu il təvəllüdlü Məmmədov Coşqun Həşəm oğlu səhər işə gəldikdən sonra özünə bıçaqla xəsarət yetirib. Onu qan içində tapan həmkarları, Məmmədovu xəstəxanaya çatdırıblar.
Amma onu xilas etmək mümkün olmayıb.
Məmmədovun böyük məbləğdə borcu olduğu üçün intihar etdiyi ehtimal edilir.
Fakt üzrə istintaqı Sabunçu rayon prokurorluğu aparır.
Ölkə.Az
