Bakıda 1400 dollara satılan Nissan-a alıcı tapılmır
Əmlak Məsələləri Dövlət Komitəsi (ƏMDK) iyulun 21-də keçirilmiş hərracda satılan nəqliyyat vasitələrinin siyahısını açıqlayıb.
Hərraca çıxarılan 24 avtomobildən 13-ü satılıb.
Qeyd edək ki, iyulun 21-də 5-ci dəfə hərraca çıxarılan 1998-ci il istehsalı olan Nissan Maximanın bu dəfə də alıcısı tapılmayıb.
Xatırladaq ki, komitə bu avtomobili bazar qiymətindən iki dəfə ucuz satırdı - cəmi 1400 dollara.
Onu da əlavə edək ki, bu dəfəki hərracda QAZ-31105-120, Mercedes Benz E 320, QAZ-3102, QAZ-31105-120, MAZ-5551, 1991-ci il istehsalı olan 2 ədəd ZİL-MMZ-4502, ZİL-MMZ, ZİL-MMZ-554 və Traktorun müxtəlif modelləri satılıb.
Ölkə.Az
