Fırıldaqçılıqda ittiham edilən azərbaycanlı ev dustağı oldu
Çelyabinskin Mərkəzi rayon məhkəməsinin hakimi Nikolay Maksimkin fırıldaqçılıqda (Rusiya Federasiyası Cinayət Məcəlləsinin 163-cü maddəsi) ittiham edilən İlham Osmanovun və onun əlbirləri Kiriçenko və Mitryasovun həbs-qətimkan tədbirini dəyişib. Onlar təcridxanadan 2015-ci ilin noyabr ayının 3-nə qədər buraxılıblar.
Çelyabinsk üzrə DİN Baş istintaq idarəsinin müstəntiqi hər üçü üçün nəzarət altında saxlanma müddətinin artırılmasını tələb edirdi.
Amma məhkəmə müdafiənin fikrinə üstünlük verib və həbs-qətimkan tədbirini iki aylıq ev dustağı tədbiri ilə əvəz ediblər.
İlham Osmanov Kiriçenko və Mitryasov ilə bərabər cari ilin fevral ayının 17-də Çelyabinskdə “Angel A” kafesində yerli biznesmendən 11,2 milyon rubl və “Volksvagen Passat”ı verməyi tələb ediblər. Xüsusi əməliyyat nəticəsində mart ayının 3-də Osmanov və Kiriçenko saxlanılıb. Əlavə edək ki, axtarış zamanı Osmanovdan səsbatırıcı qurğusu olan tapança müsadirə edilib.
Hüquq-mühafizə orqanlarından olan mənbənin məlumatına əsasən, Osmanov Çelyabinsk üzrə “nəzarətçidir”, o kriminal avtoritet Oleq Aşxabadski ilə sıx əlaqədə olub. Sonuncu hal-hazırda Ermənistana deportasiya edilib, amma oradan da Cənubi Uralda kriminalitetə rəhbərlik etməyə cəhd edir.
Bəzi məlumatlara əsasən məhz Aşxabadski 2013-cü ildə may ayının 21-də Troitskidə bir gəncin ölümü və birinin yaralanması ilə nəticələnən atışmaya görə məsuliyyət daşıyır. Bu atışmaya görə, hal-hazırda istintaq orqanları tərəfindən troitskili sahibkar Stanislav Zaytsev ittiham edilir.
Onun qardaşı Artem Zaytsev və yerli şəhər məclisinin deputatı Anatoli Fedorçenko zorla pul almaqda ittiham edilirdilər, amma iş məhkəmədə tərəflərin barışması ilə sona çatdırılıb.
Eləcə də əlavə edək ki, Fedorçenko saxlanılan zaman indi Troitskinin sabiq rəhbəri olan və indi beş rüşvət epizodunda ittiham edilən Viktor Şekotov barədə ifadə vermişdi. (oxu.az)
Ölkə.Az
