Qubada iki maşın toqquşdu

Ötən gün Quba rayonu ərazisində yol-nəqliyyat hadisəsi baş verib.

Ölkə.Az xəbər verir ki, APA-nın şimal bürosunun verdiyi məlumata görə, qəza Bakı-Quba-Rusiya Federasiyası dövlət sərhədi yolunun, Quba rayonun Vladimirovka kəndi ərazisindən keçən hissəsində qeydə alınıb. “VAZ 21 07” markalı nəqliyyat vasitəsilə “Mercedes” markalı avtomobilin toqquşması nəticəsində 3 nəfər - Quba rayonu, Əlibəyqışlaq kənd sakinləri - 1956-cı il təvəllüdlü Əyyubov Sabir Tahir oğlu, 1957-ci il təvəllüdlü Əyyubova Hənifə Məmmədağa qızı və 1967-ci il təvəllüdlü Əliyeva Yəmən Məmmədağa qızı ağır bədən xəsarətləri ilə Quba Mərkəzi Rayon Xəstəxanasına yerləşdirilib.

Faktla bağı Baş Dövlət Yol Polis İdarəsinin istintaq və təhqiqat bölməsində araşdırmalar davam etdirilir.

Ölkə.Az