Bakıda avtomobillə iki piyada öldürüldü
Bakıda avtomobillə vurulan iki piyada ölüb.
Daxili İşlər Nazirliyinin mətbuat xidmətindən Ölkə.Az-a verilən məlumata görə, avqustun 31-də saat 16 radələrində paytaxtın Nizami rayonunun Qara Qarayev prospektində şəhər sakini Ramil Həmidov idarə etdiyi “Mercedes” markalı avtomobillə yolu keçən 50-55 yaşlı kişini vurub. Piyada xəstəxanaya yerləşdirilib və sentyabrın 1-də orada ölüb.
Sentyabrın 1-də saat 23 radələrində paytaxtın Nizami rayonunun Heydər Əliyev prospektində Bakı şəhər sakini Emin Əhmədov idarə etdiyi “Mercedes” markalı avtomobillə yolu keçən 30-35 yaşlı kişini vurub. Nəticədə piyada hadisə yerində ölüb.
Hər iki faktla bağlı Nizami rayon Polis İdarəsi tərəfindən araşdırma aparılır.
Ölkə.Az