Qadın atraksiondan yıxılıb öldü - Xırdalan parkında dəhşət - YENİLƏNİB
Abşeron Rayon Prokurorluğunda Xırdalanda qadının atraksiondan yıxılaraq ölmasi faktı araşdırılır.
Bu barədə Ölkə.az-a Baş Prokurorluğun Mətbuat Xidmətindən məlumat verilib.
Bildirilib ki, iyunun 8-i rayonun Xırdalan şəhərində yerləşən parklardan birində 1987-ci il təvəllüdlü Minayə Nuriyevanın atraksiondan yıxılması nəticəsində aldığı xəsarətlərdən müalicə aldığı xəstəxanada ölməsi faktı ilə bağlı Abşeron Rayon Prokurorluğunda araşdırma aparılır.
***
Xırdalan şəhərində ölümlə nəticələnən bədbəxt hadisə baş verib.
Ölkə.az “Qafqazinfo”ya istinadla xəbər verir ki, Abşeron rayon sakini, 1987-ci il təvəllüdlü Nuriyeva Minayə Rasim qızı iyunun 8-də saat 17 radələrində Xırdalan şəhərində yerləşən Heydər Əliyev adına parkda hündürlükdən yıxılıb.
Belə ki, 36 yaşlı qadın dairəvi hərəkət edən 5 qoşqudan ibarət, delfin şəkilli karuselin 2-ci qoşqusundan yıxılıb. O, qarının küt travması, daxili qanaxma, qapalı kəllə-beyin travması, alt çənə sınığı, sağ bazunun açıq sınığı, II və III dərəcəli travmatik şok diaqnozu ilə Respublika Klinik Xəstəxanasına daxil olub.
M.Nuriyeva dünən saat 07:40-da xəstəxanada vəfat edib.
Faktla bağlı Abşeron Rayon Prokurorluğunda araşdırma aparılır.
