AZAL-dan biznes-klass bilet alan qadının başına iş gəldi
Dubayda yaşayan Azərbaycan vətəndaşı Afaq Bağırova AZAL-dan şikayətçidir.
A.Bağırova müraciətində bildirir ki, o, anası üçün biznes-klass kateqoriyalı aviabilet alıb, lakin qadın ekonom-premiumla uçmalı olub.
Şikayətçinin sözlərinə görə, sentyabrın 1-də Bakı-Pekin, Pekin-Tokio, Tokio-Bakı reysləri üçün aviabilet almağa 3150 manat xərcləyib. Lakin həmin biletin sahibi olan sərnişini biznes-klass salon əvəzinə ekonom-premium sinfindən olan salonda əyləşdiriblər.
Bundan hiddətlənən A.Bəşirova AZAL-ın daimi müştərisi olduğunu və özünün həmişə biznes-klass salonda uçduğunu, aviaşirkətin ona kələk gəldiyini bildirir.
Bu məsələyə aydınlıq gətirmək üçün AZAL-ın mətbuat xidmətinin rəhbəri Paşa Kəsəmənskiyə müraciət etdik.
Xidmət rəhbəri faktı təsdiqləsə də bildirdi ki, sərnişinin təyyarənin salonunda səhv yerləşdirilməsində AZAL günahkar deyil, çünki bilet başqa şirkətdən alınıb. (virtualaz.org)
Ölkə.Az