Qətl törədilən məktəbin şagirdi intihar etdi - YENİLƏNİB
Gəncə şəhər M.P.Vaqif adına 8 nömrəli tam orta məktəbin VI sinif şagirdi Məmmədov Ağamir Azər oğlunun yaşadığı evdə intihar etməsi ilə bağlı ilkin səbəb bilinib.
Oxu.Az-ın əldə etdiyi məlumata görə, hadisə bu gün günorta saatlarında baş verib.
Belə ki, A.Məmmədovun atası onun əlində olan telefonu alıb və dərslərini oxumasını istəyib. Atasının sözünə hirslənən uşaq bu addımı atıb.
Faktla bağlı araşdırma aparılır.
***
Gəncə şəhər M.P.Vaqif adına 8 nömrəli tam orta məktəbin VI sinif şagirdi Məmmədov Ağamir Azər oğlu bugün günorta saatlarında yaşadığı evdə özünə qəsd edərək intihar edib.
Bu barədə Gəncə - Daşkəsən Regional Təhsil İdarəsi məlumat yayıb.
Qeyd olunub ki, Ağamir Məmmədovun intihar etməsinin səbəbləri məlum deyil.
Faktla bağlı hüquq-mühafizə orqanları araşdırma aparır.
Qeyd edək ki, ötən ay həmin məktəbin şagirdi məktəbli yoldaşını qətlə yetirib.
