BDU-un qarşısında dəhşətli qəza
Bu dəqiqələrdə Mətbuat prospektində (Bakı Dövlət Universitetinin yanı) dəhşətli qəza baş verib.
Prospektlə 20 Yanvar istiqamətində sürətlə hərəkət edən “Lada Priora” markalı avtomobil yolu keçmək istəyən 5 tələbəni vurub. Onların ikisinin vəziyyəti ağırdı.
Yaralılar xəstəxanaya aparılıb.
Hadisəylə bağlı Mətbuat prospektində sıxlıq yaranıb. (aznews.az)
***
Hadisə Bakı Dövlət Universitetinin yataqxanasının qarşısında qeydə alınıb. “Lada” markalı, 90 BE 265 dövlət nömrə nişanlı avtomobil idarəetməni itirərək 5 piyadanı vurub. Daha sonra minik maşını polis avtomobilinə çırpılıb.
İlkin məlumata görə, vurulan piyadalardan biri dünyasını dəyişib. Digərlərinin vəziyyəti isə ağırdır.
Yasamal rayon Polis İdarəsindən qəzanın baş verməsini təsdiqləyiblər (APA)
Ölkə.Az
