TƏBİB Qubada ana və körpə ölümünün ilkin səbəbini açıqlayıb - YENİLƏNİB

Ötən gün 2000-ci il təvəllüdlü Quba rayonu sakini hamiləlik 38 həftə, uşaqlıq üzərində çapıq diaqnozu ilə Quba Rayon Mərkəzi Xəstəxanasının Regional Perinatal Mərkəzinə yerləşdirilib.

TƏBİB-dən bildirilib ki, müayinələr aparıldıqdan sonra uşaqlıq üzərində çapıq və başlamış doğuş fəaliyyətini nəzərə alınaraq təkrar keysəriyyə kəsiyi əməliyyatı həyata keçirilib.

Qeyd olunub ki, saat 13:55-də spinal anesteziya tətbiq olunan zaman anada anafilaktik şok əlamətləri müşahidə olunub: "Göstərilən tam həcmli intensiv reanimasion tədbirlərə baxmayaraq, ana və bətnindəki körpənin həmin gün saat 15:00 radələrində ölüm faktı qeydə alınıb".

***
Qubada ana və körpəsi doğuş zamanı ölüb.

Quba rayonunda doğuş zamanı ana və körpəsi dünyasını dəyişib.

"Report"un Şimal bürosunun məlumatına görə, hadisə Regional Perinatal Mərkəzində baş verib.

Belə ki, doğuş üçün Quba Rayon Mərkəzi Xəstəxanasından müraciyyət edən Xaçmaz rayon Hülövlü kənd sakini 2000-ci il təvəllüdlü Nəsirova Samirə Bəhruz qızı əməliyyat zamanı o, və körpəsi dünyasın dəyişib.

Bu S.Nəsirovanın ikinci hamiləliyi olub.

Faktla bağlı araşdırma aparılır.