Relsin üzərində uzandı, qatar üstündən keçdi
Dünən axşam saatlarında Ağstafa-Bakı istiqamətində hərəkət edən sürətli sərnişin qatarının yoluna çıxan kişinin intihar etdiyi məlum olub.
Ölkə.az "Qafqazinfo"a istinadən xəbər verir ki, hadisə sentyabrın 11-i saat 21 radələrində qeydə alınıb.
Belə ki, Zakir Şakir oğlu Zəkəriyəyev Ağstafa-Bakı dəmiryolu xəttinin Yuxarı Qarxundan keçən hissəsində relsin üzərində uzanıb.
Bu zaman "FLERT" markalı sürət qatarı onun üzərindən keçib. Z.Zəkəriyəyev hadisə yerində ölüb.
Faktla bağlı araşdırma aparılır.
