Babək prospektində obyektdə yanğın söndürülüb - Video - Yenilənib

Yanğın səbəbindən Nizami rayonu, Fəhlə küçəsi istiqamətində nəqliyyat vasitələrinin hərəkətinə qoyulan məhdudiyyət aradan qaldırılıb.

Ölkə.az xəbər verir ki, bu barədə Daxili İşlər Nazirliyinin Nəqliyyatı İntellektual İdarəetmə Mərkəzindən bildirilib.

***

Fövqəladə Hallar Nazirliyi Dövlət Yanğından Mühafizə Xidməti tərəfindən həyata keçirilmiş zəruri və təxirəsalınmaz tədbirlər sayəsində Bakı şəhəri, Nizami rayonu ərazisində yerləşən obyektdə baş vermiş yanğın daha geniş sahəyə yayılmasına imkan verilmədən qısa müddətdə tam söndürülüb.

Ölkə.az xəbər verir ki, bu barədə FHN-in Mətbuat xidməti məlumat yayıb.

***

Paytaxtın Nizami rayonu ərazisində yerləşən obyektlərdən birində baş vermiş yanğın hadisəsi səbəbindən Fəhlə küçəsi istiqamətində nəqliyyat vasitələrinin hərəkətinə məhdudiyyət qoyulub.

Bu barədə Ölkə.Az Daxili İşlər Nazirliyinin Mətbuat Xidmətinin məlumatına istinadən bildirir.

Qeyd olunur ki, polis əməkdaşları tərəfindən ərazidə təhlükəsizlik tədbirləri görülür.

***

Bakıda obyekt yanır.

Ölkə.Az-ın məlumatına görə, yanğın Babək prospektində  yerləşən “Astoria” hotelin yaxınlığındakı avtoservisdə başlayıb.

Hazırda yanğın davam edir. Əlavə məlumat veriləcək.

***

Fövqəladə Hallar Nazirliyindən (FHN) verilən məlumata görə, əraziyə dərhal FHN-in Dövlət Yanğından Mühafizə Xidməti və Bakı Regional Mərkəzinin qüvvələri cəlb olunub.