Toyda çıxış edəndən sonra öldü 

Dünən Lənkəran rayonunda keçirilən toy mərasimində ölüm hadisəsi baş verib.

Ölkə.az “Qafqazinfo”ya istinadən xəbər verir ki, toyda iştirak edən rayon sakini Mircəlal Dadaşovun halı qəflətən pisləşib.

Belə ki, M.Dadaşova məclisdə söz verilib. O, çıxış edərək ailə quran gənclərə xeyir-dua verib və rəqs edib. Az sonra masaya əyləşən qonaq qəfil yıxılıb.

Hadisə yerinə gələn təcili tibbi yardım briqadası onun vəfat etməsini müəyyən edib.

M.Dadaşovun ürəktutmadan dünyasını dəyişməsi bildirilib.