Motosiklet "Mersedes"lə toqquşdu: Ata və oğul öldü

İmişlidə motosiklet və minik avtomobilinin toqquşması ilə nəticələnən yol qəzasında ata və oğul ölüb.

Ölkə.az Axar.az-a istinadən xəbər verir ki, hadisə bu gün saat 17 radələrində qeydə alınıb. Qəza zamanı "Mersedes" markalı minik maşını və "İj" markalı motosiklet toqquşub. Nəticədə motosikletdə olan sərnişin Kazım İbişov hadisə yerində ölüb. Ağır xəsarət alan motosikletin sürücüsü Mübariz İbişov isə İmişli Rayon Mərkəzi Xəstəxanasına çatdırılıb, həkimlərin səyinə baxmayaraq onun həyatını xilas etmək mümkün olmayıb.

Faktla bağlı araşdırma aparılır.