Bulvarda ŞOK: \"Əvvəl qız, ardınca da oğlan suya atıldı\"

16:00

Məsələ ilə bağlı Nazirlər Kabineti yanında Dənizkənarı Bulvar İdarəsinin rəis müavini Nazim Məcidov Milli.Az-a bildirib ki, hadisə bu gün saat 14 radələrində baş verib: "Bir nəfər 18-20 yaşlarında olan qız özünü suya atıb. Amma o boğulmadı, qızı xilas etdilər, sağdır.

Ona sudan çıxmağa həmin an orada olan şəhər sakini olan iki oğlan kömək edib. Daha sonra Fövqəladə Hallar Nazirliyinin (FHN) Dövlət Sularda Xilasetmə Xidmətinin (DSXX) əməkdaşları gəldilər. Birlikdə köməkləşərək qızın həyatını xilas edə bildilər".

***

14:45

Bu gün günorta saatlarında Dənizkənarı Milli Parkda intihara cəhd edən iki sevgili barədə məlumat vermişdik. Milli.Az xəbər verir ki, big.az-a danışan hadisə şahidi bildirib ki, qızla oğlan dalaşıblar: "Əvvəl qız özünü suya atdı, ardınca da oğlan. Deyəsən, mübahisə edirdilər. Qız əsəbiləşdi, özünü atdı. Ancaq xilasedicilər vaxtında yetişdi".

Hadisə şahidinin çəkdiyi videonu təqdim edirik.

Ölkə.Az