Bakıda məktəb yaxınlığında yanğın - VİDEO

Bu barədə Ölkə.Az-a Fövqəladə Hallar Nazirliyindən (FHN) məlumat verilib.

Yanğınsöndürənlər tərəfindən həyata keçirilmiş zəruri və təxirəsalınmaz tədbirlər sayəsində təkər və məişət tullantıları yığılmış ərazidə baş vermiş yanğın hava şəraitinin küləkli və yayılma riskinin yüksək olmasına baxmayaraq genişlənməsinə, o cümlədən yaxınlıqda yerləşən tikililərə keçməsinə imkan verilmədən qısa müddətdə söndürülüb.

Yanğın nəticəsində 300kv.m. sahədə təkər və məişət tullantıları yanıb.

Yaxınlıqda yerləşən avtomobil təmiri sexi və fərdi yaşayış evi yanğından mühafizə olunub.

***

Bakıda 264 nömrəli məktəbin yaxınlığında yanğın başlayıb.

Ölkə.Az xəbər verir ki, əraziyə FHN qüvvələri cəlb olunub.

Yanğının söndürülməsi istiqamətində tədbirlər görülür.

Əraziyə polis əməkdaşları da cəlb edilib.

Hadisə yeri mühafızə edilərək təhlükəsizlik tədbirləri görülür, sürücülərə alternativ yollarla hərəkət etmələri barədə istiqamətlər verilir.