Bakıda yaşayış binasındakı yanğın söndürülüb - ANBAAN VİDEO - YENİLƏNİB
Bu barədə Ölkə.Az-a Fövqəladə Hallar Nazirliyindən məlumat verilib.
Bildirilib ki, Dövlət Yanğından Mühafizə Xidmətinin və Bakı Regional Mərkəzinin qüvvələri əraziyə cəlb olunub.
Hadisə yerində əməliyyat şəraiti qiymətləndirilərkən yanğının onikimərtəbəli yaşayış binasının 11-ci mərtəbəsində yerləşən mənzildə baş verdiyi müəyyən edilib. Yanğın genişlənməsinə imkan verilmədən qısa müddətdə söndürülüb.
Yanğın nəticəsində ümumi sahəsi 80 kv.m olan üçotaqlı mənzilin mətbəxinin və eyvanının yanar konstruksiyaları 18 kv.m sahədə yanıb. Digər otaqlar və qonşu mənzillər yanğından mühafizə edilib, üçü azyaşlı olmaqla 12 nəfər təxliyə olunub.
***
Əldə etdiyimiz məlumata görə, çoxmərtəbəli yaşayış binasının 11-ci mərtəbəsində baş verən yanğın 3 otaqlı evin mətbəx hissəsində başlayıb.
Hadisə zamanı ev sahibləri isttirahətdə olublar. Əraziyə gələn yanğınsöndürmə briqadası qapını sındıraraq içəri daxil olub.
Hazırda yanğın söndürülüb, soyutma işləri aparılır.
***
Nərimanov rayonu, Nəcəf Nərimanov küçəsində yerləşən yaşayış binasında yanğın baş verib.
Ölkə.Az-ın məlumatına görə, hazırda çoxmərtəbəli binanın ən yuxarı mərtəbəsində yanğın davam edir. Hadisə yerinə 4 ədəd yanğınsöndürən cəlb edilib.
Mənzildə 2 dəfə ardıcıl partlayış səsi eşidilib.
Ərazidə olan Təcili Tibbi yardım briqadasından Ölkə.az-a bildirilib ki, yanğınla bağlı hələlik müraciət edən olmayıb.
Əldə etdiyimiz məlumata görə, yanğın baş verən zaman evdə heç kim olmayıb.
Billurə
