Taxta sexində başlayan yanğın evlərə keçib - YENİLƏNİB
Ölkə.az xəbər verir ki, Göyçayda yeşik sexində baş verən güclü yanğın yaxınlıqda yerləşən iki fərdi yaşayış evinə keçib.
Nəticədə vətəndaşlara məxsus evlərə zərər dəyib. Evlərdəki bəzi əşyalar və yanar konstruksiyalar tamamilə yanaraq yararsız hala düşüb.
Alovun söndürülməsinə Dövlət Yanğından Mühafizə Xidmətinin Göyçay və Ucar rayon bölmələrinin canlı qüvvəsi və texnikası cəlb olunub.
Hazırda yanğının tam söndürülməsi istiqamətində işlər davam etdirilir. Alov lokallaşdırılıb.
***
Göyçayda taxta sexində yanğın hadisəsi baş verib.
Ölkə.az xəbər verir ki, ilkin məlumata əsasən yanğın rayon mərkəzində yerləşən taxta sexlərindən birində qeydə alınıb.
Dərhal əraziyə FHN-nin Göyçay yanğından mühafizə hissəsinin əməkdaşları cəlb olunub.
Hazırda ərazidə işlər davam etdirilir. Yanğının hansı səbəbdən baş verdiyi araşdırılır.
