Bakıda kabab yedi, pulunu ödəmədi - HƏBS OLUNDU
Ölkə.Az "Xibab24.az"a istinadən xəbər verir ki, hadisə Binəqədi rayonu ərazisində baş verib.
Belə ki, Ə.A adlı şəxs rayon ərazisində yerləşən “Aybasan” kafesindən 162 manat dəyərində qarışıq kabab alıb və pulunu üç gündən bir ödəyəcəyinə dair söz verib.
Lakin pulu ödəyə bilmədiyi üçün kafe sahibi Ə.A-dan polisə şikayət edib. Şəxsin əməlində cinayət tərkibi olmadığından onun barəsində protokol tərtib edilərək, baxılması üçün məhkəməyə göndərilib.
Binəqədi Rayon Məhkəməsinin hakimi Aynurə Sadıqovanın sədrliyi ilə keçirilən prosesdə barəsində protokol tərtib edilən şəxs əməlini etiraf edib. O, aldığı kababı tikintidə işlədiyi fəhlələrlə birlikdə yediyini, lakin işdən çıxarıldığı üçün ödəniş edə bilmədiyini deyib.
O, himayəsində iki azyaşlı övladının olmasını nəzərə alaraq, məhkəmədən barəsində daha yüngül inzibati tənbeh verilməsi barədə qərar qəbul etməsini xahiş edib.
Məhkəmənin qərarına əsasən, Ə.A 23 gün müddətinə inzibati qaydada həbs edilib.
