Zivər Abbasova: "Onun təyinatı teatrın inkişafına töhfə verəcək"
İrəvan Dövlət Azərbaycan Dram Teatrının direktor səlahiyyətlərini icra etmiş Zivər Abbasova Hacıbaba Məmmədovun direktor vəzifəsinə təyin olunmasına münasibət bildirib.
Ölkə.Az xəbər verir ki, Zivər Abbasova Qaynarinfo-ya açıqlamasında bu təyinatı müsbət qiymətləndirib:
"Bu təyinat teatrın inkişafına töhfə verəcək".
O bildirib ki, bundan sonra yalnız direktor müavini vəzifəsində fəaliyyətini davam etdirəcək:
"Mən direktor müavini vəzifəsində çalışmaqla yanaşı, direktor səlahiyyətlərini də icra edirdim. Bundan sonra isə yalnız direktor müavini kimi fəaliyyət göstərəcəyəm".
Qeyd edək ki, mədəniyyət naziri Adil Kərimlinin müvafiq əmri ilə Hacıbaba İsmayıl oğlu Məmmədov İrəvan Dövlət Azərbaycan Dram Teatrının direktoru təyin edilib. Bu təyinata qədər direktor səlahiyyətlərini Zivər Abbasova icra edirdi.
