Azərbaycanda polis əməliyyatı: 165 nəfər saxlanıldı
Bildirilib ki, əməliyyat tədbirləri nəticəsində axtarışda olduğuna görə ümumilikdə 165, o cümlədən borclu şəxs qismində axtarışda olan 111 nəfər saxlanılaraq aidiyyəti üzrə təhvil verilib.
“Narkotiklərlə əlaqəli 41, qanunsuz saxlanılan silah-sursatın götürülməsi və aşkarlanması ilə bağlı 22 fakt müəyyən edilib.
Cinayət törətməkdə şübhəli bilinən 67 nəfər saxlanılıb.
Polis əməkdaşlarının fevralın 6-da keçirdikləri əməliyyat tədbirləri nəticəsində dələduzluq cinayətləri üzrə axtarışda olan 16 nəfər saxlanılaraq istintaqa təhvil verilib.
Araşdırmalar davam etdirilir.
Polis əməkdaşlarının ötən gün ərzində keçirdikləri tədbirlər nəticəsində ailə üzvlərini məlumatlandırmadan yaşadıqları ünvanı tərk etdikləri üçün itkin düşmüş kimi axtarışı aparılan 5 nəfər tapılaraq aidiyyəti üzrə təhvil verilib.
Axtarış tədbirləri davamlı şəkildə həyata keçirilir”,- məlumatda qeyd olunub.
Mürtəza
