Avtomobil ağaca çırpıldı, sürücü öldü

Lənkəranda ölümlə nəticələnən yol-nəqliyyat hadisəsi baş verib.

"Ölkə.az" Teleqraf-a istinadla xəbər verir ki, hadisə gecə saatlarında köhnə Ələt-Astara magistralının Lənkəran rayonunun Liman şəhəri ərazisindən keçən hissəsində qeydə alınıb.

Lənkəran rayonunun Zövlə kənd sakini, 1962-ci il təvəllüdlü Elşad Kişi oğlu Salayev idarə etdiyi "VAZ-2106" markalı avtomobillə hərəkətdə olarkən nəqliyyat vasitəsi idarəetmədən çıxaraq yol kənarındakı ağaca çırpılıb.

Hadisə nəticəsində sürücü Elşad Salayev həyatını itirib. Onun meyiti aidiyyəti üzrə təhvil verilib.

İlkin məlumata görə, sürücü hadisədən əvvəl ürəktutması keçirib. Bu səbəbdən avtomobilin idarəetmədən çıxdığı bildirilir. Ölümün dəqiq səbəbi ekspertiza rəyindən sonra məlum olacaq.

Qeyd edək ki, Elşad Salayev Lənkəranda tanınmış avtomobil ustalarından biri olub.

Faktla bağlı araşdırma aparılır.