Maşın evin həyətinə aşdı, sürücü öldü

Tovuz rayonunun Əsrik Cırdaxan kəndində yol-nəqliyyat hadisəsi qeydə alınıb.

Ölkə.Az Kəpəz TV-yə (Region TV) istinadən xəbər verir ki,Çeşməli kəndindən rayon mərkəzinə kartof aparan 53 yaşlı İsmayıl Məhərrəmov "Niva" markalı avtomobildə idarəetməni itirib və avtomobil yoldan çıxaraq Əsrik Cırdaxan kənd sakini Asif Məhərrəmovun evinin həyətinə aşıb.

Hadisə zamanı avtomobilin hissələri və içərisində olan kartof ətrafa dağılıb. Ağır xəsarət alan sürücü isə hadisə yerində dünyasını dəyişib.

Polis faktla bağlı araşdırma aparır.