İçib baba və nənəsinin qəbri üstünə getdi - Bu hərəkəti etdi

Biləsuvarda 20 yaşlı gənc doğma baba və nənəsinə məxsus məzarları dağıdıb.

Ölkə.az-ın xitab24.az-a istinadən məlumatına görə, hadisə Xırdmandalı kəndində baş verib.

Təqsirləndirilən V.Süleymanov ifadəsində hadisəni sərxoş halda törətdiyini, əməlindən peşman olduğunu bildirib. O, sərxoş halda qəbiristanlığa ailə üzvlərinin məzarlarını ziyarət etməyə getdiyini, orada olan vaxt uşaqlıda baş verən hansısa hadisənin yadına düşdüyünü, hazırda isə həmin məsələnin nədən ibarət olduğunu xatırlamadağını deyib.

Zərərçəkmiş şəxs qismində V.Süleymanovun əmisi tanınıb. O, bu əməlin bağışlanılmaz olduğunu bildirib. Lakin təqsirləndirilən şəxsin vəfat edən qardaşının oğlu olmasına görə, ondan şikayətçi olmadığını bildirib.

Cinayət Məcəlləsinin 245-ci maddəsi ilə təqsirləndirilən V.Süleymanov 6 ay müddətinə azadlıqdan məhrum edilib.