Şəkidə sel nəticəsində bir neçə kəndin yolu bağlandı - VİDEO
Şəkidə leysan yağışları bir sıra fəsadlar törədib.
"Ölkə.az" APA-ya istinadən xəbər verir ki, Şəkinin Baş Göynük və Baş Şabalıd kəndləri arasından keçən çaya sel gəlib. Güclü sel nəticəsində çaydan keçən yol su altında qalıb və hazırda yol bağlanıb. Nəticədə Baş Şabalıd kəndinin şəhər və ətraf kəndlərlə əlaqəsi kəsilib.
Qeyd olunub ki, Cunud kəndi ilə də əlaqə kəsilib. Şəkinin Kiş kəndindən yuxarıdakı istirahət mərkəzlərinə gedən kiçik körpü də dağılmaq üzrədir.
Bölgədə qeyri-sabit hava şəraiti davam edir.
