Daha 6 itkin-şəhidin kimliyi müəyyənləşdirilib - ADLAR

Ölkə.az xəbər verir ki, bu barədə Əsir və itkin düşmüş, girov götürülmüş vətəndaşlarla əlaqədar Dövlət Komissiyası məlumat yayıb.

Onlardan dördü hərbçi, ikisi mülki şəxsdir. Nuriyev Yarməmməd Məqsud oğlu, Əhmədov Rauf Əjdər oğlu, Musayev Dəyanət Salik oğlu və Əliyev Möysüm Murad oğlu Azərbaycan Ordusunun döyüşçüləri olublar.

Kəlbəcər rayon sakinləri olan Kamalov Bahadur Məhəmməd oğlu və Babayeva Mədinə Rəhim qızı isə mülki şəxsdir.

Y.Nuriyev iyulun 1-də Xaçmaz rayonu Köhnə Xudat kənd qəbiristanlığında, B.Kamalov iyulun 3-də Kəlbəcər rayonu, Zar kəndi, yeni qəbiristanlıqda, M.Babayeva həmin gün Kəlbəcər rayonu, Daşbulaq kənd məzarlığında, R.Əhmədov da həmin tarixdə Goranboy rayonu, Sarov kənd qəbiristanlığında, D.Musayev iyulun 3-də Ucar rayonu, Boyat kənd qəbiristanlığında, M.Əliyev isə Füzuli rayonu Mahmudlu 2 kənd məzarlığında dəfn olunacaqlar.