Ləman Ələşrəfqızının pulunu ələ keçirən şəxs tutuldu - DİN-dən əməliyyat
Ölkə.az xəbər verir ki, bu barədə o sosial media hesabında paylaşım edib.
Jurnalist bildirib ki, DİN-in Kibercinayətkarlıqla Mübarizə Baş İdarəsindən zəng edilərək ona kiberdələduzun saxlanıldığı barədə məlumat verilib.
Ləman Ələşrəfqızı ondan dələduzluq yolu ilə ələ keçirilən pulun kartına geri qaytarıldığını bildirib.
Qeyd edək ki, tanınmış jurnalist Ləman Ələşrəfqızı ötən gün kiberdələduzluğun qurbanı olub.
O bildirib ki, naməlum şəxs Ümid Partiyasının sədri İqbal Ağazadənin adından açılmış saxta teleqram hesabı vasitəsilə ondan pul istəyib:
"Həmin şəxs İqbal Ağazadənin adı ilə “Ləman xanım, xəstəxanadayam, kartımda pul yoxdur. Sizdə 300 manat varsa atın, 2-3 saata göndərəcəm” yazdı. Mən də heç nə soruşmadan “baş üstə, İqbal bəy” dedim. Ardınca daha 420 manat istədi, kartımda olan 300 manatı da göndərdim". Jurnalist, ümumilikdə 600 manat göndərməklə dələduzluğun növbəti qurbanına çevrilib.
