Autizmli uşaq liftdə təzyiqə məruz qaldı - ANBAAN VİDEO - YENİLƏNİB
Ölkə.az xəbər verir ki, qanunazidd əməli törədən 29 yaşlı A.Ağalarov polis əməkdaşları tərəfindən müəyyən edilərək saxlanılıb.
Onun səhhəti nəzərə alınaraq, ixtisaslaşmış tibb müəssisəsinə yerləşdirilməsi istiqamətində müvafiq tədbirlər görülür.(oxu.az)
***
Psixoloq Fidan Abdulla sosial şəbəkə hesabında autizmli oğlunun liftdə məruz qaldığı xoşagəlməz hadisə ilə bağlı paylaşım edib.
Ölkə.az xəbər verir ki, onun sözlərinə görə, hadisə zamanı oğlu liftə minmək istəyərkən bir şəxs tərəfindən fiziki təzyiqə məruz qalıb. Nəticədə uşaq tarazlığını itirərək yıxılıb. Psixoloq bildirib ki, baş verən hadisə övladında ağır psixoloji sarsıntı yaradıb.
Fidan Abdullanın sözlərinə görə, oğlu həmin gecə yata bilməyib, uzun müddət danışmayıb, nitqi tutulub və qorxudan əsib.
Paylaşımında o, bunları qeyd edib:
"Gördüyünüz uşaq mənim oğlumdur. Çoxunuz bilirsiniz ki, oğlum autizmlidir. Dünən baş verən bu hadisədən sonra oğlum gecə boyu yata bilmədi. Uzun müddət danışmadı, nitqi tutuldu, qorxudan əsirdi. Bir ana üçün övladını bu vəziyyətdə görmək və bu cür görüntüləri izləmək sözlə ifadə olunacaq qədər asan deyil."
Psixoloq paylaşımında övladının yaşadığı psixoloji vəziyyətə diqqət çəkərək, hadisənin ailəsinə ciddi mənəvi təsir göstərdiyini vurğulayıb.
