Ayını öldürəni hansı cəza gözləyir? - Hüquqşünas açıqladı

Bəs, bu halda sürücünü hansısa cəza gözləyirmi?

Hüquqşünas Ramil Süleymanov Ölkə.az-a açıqlamasında bildirib ki, bununla bağlı sürücünün heç bir məsuliyyəti yoxdur.

Onun sözlərinə görə, bu, mahiyyət etibarilə yol-nəqliyyat hadisəsidir:

"Əksinə, əgər hadisənin baş verdiyi ərazidə vəhşi heyvanların yola çıxma ehtimalı ilə bağlı xəbərdaredici yol nişanı quraşdırılmayıbsa, sürücü ona dəymiş zərərin ödənilməsi üçün müvafiq dövlət qurumlarını məhkəməyə verməklə ona dəymiş maddi zərərin ödənilməsi ilə bağlı məhkəmədə iddia qaldıra bilər", - R.Süleymanov deyib. 

Hüquqşünasın fikrincə, əgər həmin ərazidə belə bir yol nişanı quraşdırılmayıbsa, əraziyə cavabdeh olan yol təsərrüfatı qurumu mütləq qaydada cavabdeh qismində çıxış etməlidir:

"Bu halda vurulmuş maddi zərərin ödənilməsi məhkəmə qərarı ilə həmin dövlət qurumunun üzərinə qoyula bilər".

Həmidə İbrahimova