Xəzərdə tanker hücuma məruz qaldı
İyulun 19-dan 20-nə keçən gecə Xəzər Boru Kəməri Konsorsiumunun dəniz terminalında yüklənmədə olan "NELSA" tankerinə pilotsuz uçuş aparatları vasitəsilə hücum edilib.
Ölkə.az "Report"a istinadən xəbər verir ki, bu barədə Qazaxıstanın Energetika Nazirliyi məlumat yayıb.
"İnsident nəticəsində baş verən yanğın operativ şəkildə söndürülüb. Xəsarət alan yoxdur, neftin dağılmasına yol verilməyib", - məlumatda bildirilib.
Qurum qeyd edib ki, hazırda gəminin texniki vəziyyətinin və insidentin nəticələrinin qiymətləndirilməsi aparılır.
