Küçə itləri, ilanlar... - Qobustan sakinləri qorxu içində yaşayırlar - VİDEO
Paytaxtın Qaradağ rayonu, Qobustan qəsəbəsi, "2-ci massiv" adlanan ərazidə zibil qutularının olmaması sakinlərin narazılığına səbəb olub.
Ölkə.az Baku TV-yə istinadən xəbər verir ki, ərazidən gələn kəskin qoxu vətəndaşların gündəlik yaşayışını çətinləşdirib, həmçinin sürü halında gəzən küçə itləri və ilanlar insanların təhlükəsizliyini təhdid edir.
Valideynlər övladlarını çölə buraxa bilmir və yollarda qorxu içində hərəkət edirlər.
Sakinlər Baku TV-yə bildirirlər ki, məsələ ilə bağlı dəfələrlə aidiyyəti qurumlara müraciət etsələr də, hələlik heç bir tədbir görülməyib.
