Yolda huşsuz tapılan iranlı pulsuz müalicə edildi, ölkəsinə göndərildi
Xəbər verdiyimiz kimi, fevralın 15-də Ələt-Astara avtomobil yolunun Salyan rayonunun Bəydili kəndindən keçən hissəsində yol kənarından huşsuz vəziyyətdə yıxılıb qalmış orta yaşlı bir kişi təcili yardım maşınında Salyan Rayon Mərkəzi Xəstəxanasında gətirilmişdi.
Ölkə.Az virtualaz.org-a istinadən xəbər verir ki, ilkin tibbi yardımdan sonra həmin şəxs özünə gəlsə də yaddaşını itirdiyindən kimliyi barədə məlumat verə bilməmişdi. Yalnız üzərində olan kimlik sənədindən məlum olmuşdu ki, o, İran İslam Respublikasının Təbriz şəhərində yaşayan 34 yaşlı Əmirbek Məhəmmədhəsəndir.
Epilepsiya xəstəyinin ağır formasından əziyyət çəkən pasiyentə xəstəxanada 5 gün ərzində yüksək səviyyədə tibbi yardım göstəriliərək səhhəti normallışıdıqdan sonra ötən gün öz ölkəsinə yola salınıb. Əcnəbi vətəndaşa göstərilmiş tibbi xidmətlər isə heç bir ödənişsiz yerinə yetirilib.
