Binəqədidə 41 yaşlı şəxsin boğazını kəsdilər
Bakının Binəqədi rayonunda qanlı hadisə baş verib.
Ölkə.Az xəbər verir ki, APA-nın məlumatına görə, rayonun Biləcəri qəsəbəsi Yəhya Hüseynov küçəsi döngə 2, ev 4-də yaşayan 41 yaşlı Zaur Dadaşbala oğlu Məmmədov boğazı kəsilmiş vəziyyətdə xəstəxanaya gətirilib.
O, dərhal əməliyyat olunub. Hadisə barədə polisə məlumat verilib.
Zaur Məmmədovun qardaşının polislərə verdiyi məlumata görə, o, özü-özünə xəsarət yetirib. Yaralının vəziyyəti ağır olduğundan onu dindirmək mümkün olmayıb.
Faktla əlaqədar Binəqədi rayon Polis İdarəsində araşdırmalara başlanılıb.
