İtkin düşən şəxsin meyidi asılmış halda tapıldı

Ötən ay İsmayıllı rayonunda itkin düşən şəxsin meyidi asılmış halda tapılıb

Ölkə.Az-ın Daxili İşlər Nazirliyinin mətbuat xidmətinə istinadən verdiyi məlumata görə, sentyabr ayının 26-da İsmayıllı rayonunun Diyallı kənd sakini Məhəmməd Kərimov evdən çıxmış, geri qayıtmayıb. Onun barəsində axtarış elan olunmuşdu. 

Axtarışlar zamanı dünən Diyallı kəndinin meşə zolağında M.Kərimovun ağacdan asılmış vəziyyətdə olan qismən çürüməyə məruz qalmış meyiti tapılıb.

Rayon prokurorluğunun müstəntiqi Fərid Dadaşovun ANS PRESS-ə verdiyi məlumata görə, 1989-cu il təvəllüdlü Məhəmməd Kərimov intihar edib. Onun işsiz və subay olduğu bildirilir.

Hazırda Məhəmməd Kərimovun nə səbəbdən özünü öldürməsi araşdırılır.

Ölkə.Az