\"Aclıqdan çörək oğurlayan\" uşaqlar barədə polisdən
Mətbuatda Cəlilabad rayonunda 10-11 yaşlı uşaqların polis tərəfindən saxlanılması barədə yazılanlar həqiqəti əks etdirmir
Bu barədə Ölkə.Az-a Cəlilabad polisindən məlumat verilib. Bildirilib ki, həmin uşaqlar Biləsuvar bazarından çörək və qənd oğurlayaraq Cəlilabadın "İran bazarı" adlanan bazarında bir qadına satıblar. Müstəntiq də onları bu səbəbdən "İran bazarı"na gətirib:
"Hadisə bir həftə əvvəl Biləsuvarda baş verib. Sadəcə, o uşaqlar oğurladıqlarını gətirib "İran bazarı"nda satıblar".
Xatırladaq ki, sosial şəbəkələrdə və saytlarda uşaqların həbsinə səbəb kimi onların çörək və qənd oğurlaması və bu əməllərini aclıqla əlaqələndirdiyi qeyd olunur.
İntiqam VALEHOĞLU
Ölkə.Az