Bakıda qadın sürücü səfirliyin maşınını vurub qaçdı
Bu gün saat 21:12 radələrində Nərimanov rayonu, Teymur Əliyev küçəsində yol qəzası baş verib.
Çin Xalq Respublikasının Ticarət Müşavirliyinin həmin küçədə yerləşən binasının qarşısında ağ rəngli naməlum avtomobil səfirliyə məxsus “Wolksvagen”markalı, D 008 28 dövlət nömrə nişanlı avtomobili vuraraq hadisə yerindən qaçıb.
Hadisə şahidlərinin verdiyi məlumata görə, qəza törədən avtomobil əvvəlcə olay yerində dayanıb. Lakin Müşavirliyin mühafizə xidməti əməkdaşının ona yaxınlışdığını görən sürücü qaçıb. Məlumata görə, qəzanı törədən sürücü qadın olub. Elə onun vurduğu avtomobil də çinli diplomat qadına məxsusdur.
Hadisə yerinə Nərimanov rayon Polis İdarəsinin əməkdaşları gəlib. Hazırda qəzanı törədən avtomobilin və sürücünün tapılması üçün tədbirlər görülür. Qəza həmin ərazidəki müşahidə kameralarında qeydə alınıb. (avtosfer.az)
Ölkə.Az
Ölkə.Az
