Ağcabədidə ağır qəza: 3 ölü
Ağcabədidə 3 nəfərin ölümü ilə nəticələnən ağır yol qəzası baş verib
Ağcabədi rayonu, Təzəkənd kəndində (rayon mərkəzindən 17 km aralı) "VAZ" markalı iki minik avtomobillərinin toqquşması nəticəsində yol-nəqliyyat qəzası baş verib.
Fövqəladə Hallar Nazirliyinin (FHN) saytında dərc olunmuş xəbərə görə, dərhal nazirliyin müvafiq xilasetmə qüvvələri hadisə yerinə cəlb olunub.
Hadisə yerində əməliyyat şəraiti qiymətləndirilərkən məlum olub ki, "VAZ" markalı minik avtomobilində olan 3 nəfər sərnişin ağır bədən xəsarətlərindən hadisə yerində vəfat etmişlər.
Yanğınsöndürən-xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə deformasiyaya uğramış avtomobildən 3 nəfərin cəsədlərini çıxararaq aidiyyəti üzrə təhvil veriblər.
Əməliyyat saat 02:44-də başa çatıb.
Ölkə.az
