Bakı metrosunda kamera oğurlandı

Bakı metrosunda kamera oğurlanıb. Bakı şəhər Baş Polis İdarəsindən verilən məlumata görə, sentyabrın 15-də metronun "Nərimanov" stansiyasında Astara rayon sakini Rəşad Məhərrəmova məxsus videokamera qatarda oturacağın üzərindən oğurlanıb.Bu barədə məlumat daxil olan kimi əməliyyat başlanıb. Metropolitendə polis şöbəsində Cinayət-Axtarış Qrupunun keçirdiyi əməliyyat tədbirləri nəticəsində, oğurluqda şübhəli bilinən Bakı şəhər sakini Elxan Tağıyev müəyyən olunub.Keçirilən əməliyyat zamanı Elxan Tağıyev tutulub.Faktla bağlı araşdırma aparılır. (anspress)