Dələduzluqda təqsirləndirilən şəxsin apellyasiya şikayəti üzrə məhkəmə prosesi başlayıb
O, Bakı Ağır Cinayətlər Məhkəməsinin hökmü ilə 9 il müddətinə azadlıqdan məhrum edilib.
Bakı Apellyasiya Məhkəməsində dələduzluqda təqsirləndirilən Sərdar Bağırovun apellyasiya şikayəti üzrə məhkəmə prosesi başlayıb.
Ölkə.Az APA-ya istinadən xəbər verir ki, ilkin baxış iclasında təqsirləndirilən şəxsin anket məlumatları dəqiqləşdirilib.
Məhkəmənin baxış iclası iyunun 22-nə təyin edilib.
Qeyd edək ki, S. Bağırov Yasamal rayon Polis İdarəsinin əməkdaşlarının keçirdikləri əməliyyat tədbirləri nəticəsində saxlanılıb. Cinayət Məcəlləsinin 178-ci (dələduzluq) maddəsinə əsasən ittiham olunan S. Bağırov Bakı Ağır Cinayətlər Məhkəməsinin hökmü ilə 9 il müddətinə azadlıqdan məhrum edilib. Hökmdən narazı qalan S. Bağırov apellyasiya şikayəti verərək cəzasının azaldılmasını istəyib.
