Göygöldə dəhşət ölən var

Ötən gün saat 15:00-da Göygöl rayonunda iki qohum bıçaqlanıb. Göygöl rayon prokurorunun köməkçisi Vasif Süleymanovun verdiyi məlumata görə, hadisə rayonun Quşqara kəndi ərazisində Quşqara çayının sahilində baş verib

Belə ki, 1985-ci il təvəllüdlü Kamil Rüstəmov və onun qayını, 1982-ci il təvəllüdlü şəhər sakini Urfan Rzayev bıçaqlanıb. Kamil Rüstəmov aldığı bıçaq yarasından dünyasını dəyişib. Urfan Rzayev isə döş qəfəsinin kəsilmiş-deşilmiş yarası diaqnozu ilə xəstəxanaya yerləşdirilib.

Qeyd edək ki, Urfan Rzayevin vəziyyəti ağır olduğu hələlik dindirilməyib. Bu səbəbdən onların nə şəraitdə bıçaqlandığı hələlik məlum deyil. Lakin deyilənlərə görə, hadisədən qabaq Urfanla Kamil mübahisə ediblər.

Faktla bağlı cinayət işi başlanıb, araşdırma gedir./Anspress/

Ölkə.Az