28 Mayda yanğın

Bu gün saat 18:30-da Bakının Puşkin küçəsi 32 ünvanında yerləşən ticarət obyektlərinin anbarında yanğın hadisəsi baş verib. Hadisə yerinə Fövqəladə Hallar Nazirliyinin yanğından mühafizə idarəsinin əməkdaşları cəlb olunub. Yanğının qarşısı alınıb. Verilən məlumata görə, yanğına səbəb elektrik naqillərindəki qısaqapanma olub. Xəsarət alan olmayıb. Qeyd edək ki, jurnalistlər yanğın ocağına yaxın buraxılmayıblar.

Xatırladaq ki, bu binada Boks idman klubu, "Prestij" ətriyyat və kosmetika dükanı, "Qlobus" kitab evi və başqa ticarət obyektləri yerləşir. (Axar.az)

Ölkə.Az