Bakıda yanğın: sakinlər təxliyyə olundu

Bakı şəhəri, Nəsimi rayonunda çoxmərtəbəli binanın 3-cü mərtəbəsindən 6-cı mərtəbəsinə kimi şaxtadan keçən 12 p.m elektrik kabelləri yanıb

Fövqəladə Hallar Nazirliyinin mətbuat xidmətindən Ölkə.Az-a verilən məlumata görə, hadisə yerinə yanğınsöndürənlər və xilasedicilər cəlb olunub.

Yanğın zamanı binanın yuxarı mərtəbələrindən 10 nəfər sakin yanğınsöndürənlər tərəfindən təxliyyə olunub.

Şaxtadan keçən elektrik kabellərinin qalan hissəsi və mənzillər yanğından mühafizə olunub. Yanğın yanğınsöndürənlər tərəfindən söndürülüb.

Hadisənin nə səbəbdən baş verdiyi hələlik məlum deyil.

Faktla bağlı araşdırma aparılır.

Ölkə.Az