Azərbaycan əsgəri erməni snayperinin açdığı atəş nəticəsində şəhid olub
Azərbaycan Müdafiə Nazirliyi cəbhədə atəşkəsin pozulması nəticəsində şəhid olan hərbi qulluqçu ilə bağlı məlumat yayıb.
Müdafiə Nazirliyinin mətbuat xidmətindən yayılan məlumata görə, iyulun 31-də saat 17.00 radələrində erməni silahlı bölmələri atəşkəs rejimini növbəti dəfə pozaraq mövqelərimizi atəşə tutublar.
Döyüş mövqeyində təhlükəsizlik qaydalarının pozulması nəticəsində Silahlı Qüvvələrimizin 1992-ci il təvəllüdlü, Ağdam rayonundan hərbi xidmətə çağırılmış müddətdən artıq həqiqi hərbi xidmət hərbi qulluqçusu, əsgər Əhmədov Qaryağdı Eldar oğlu düşmən tərəfindən açılan snayper atəşi nəticəsində şəhid olub.(apa)
Ölkə.az
